طريقة عمل الكليجا بالتوفي

مرحبا بكم في هذي التدوينة الي متحمس لها من فتره و راح اشرح فيها طريقة عمل الكليجا بالتوفي و هو بالمناسبة يعتبر الحلا المفضل عندي و اسألو طريق القصيم عني و هو يعلمكم عن ادماني على هالوجبه اللذيذة 😍 .

اكيد انك ماجيت هنا تبحث عن طريقتها الا لانك واقع في حبها .

المهم اني تعلمتها لكن تعلمتها من وين ؟ .. تعلمتها من اهلها الي ابدعوا فيها و تفننوا و انتجوا لنا انواع مختلفه من الكليجا تختلف في اشكالها وفي الحشوات المتعددة الي ماكنت تتوقع انها ممكن تضبط مع الكليجا لكن عيني باردة على القصمان.

لذا قررت اني افصح عن سر القصمان الي تعلمته بالنسبة للكليجا و انشر طريقتها 😜.

جيبوا الاوراق والاقلام واكتبوا معي او اطبعوا هذي الصفحة اذا راح يسهل عليكم .

الادوات المستخدمة :

تحتاج يكون عندك قال كليجا مثل اللي بالصورة عشان يعطي الكليجا شكلها المعروف

غير كذا ما تحتاج الا الاشياء العادية الي بكل منزل موجودة صحون وفرن الخ..

الآن خلونا نتعرف على المقادير.

مقادير كليجا التوفي :

المقادير سهلة وغالبا راح تكون موجودة عندك في البيت, ذكرونا ليش حنا مانسوي كليجا ؟.. واغراضها موجودة عندنا بالبيت كل الوقت 😂

مقادير العجينة :

كوب ونص ماء.
3 اكواب طحين بر.
كوب واحد طحين ابيض.
نص كوب زيت و يفضل الزيت النباتي.
3 ملاعق حليب بودرة.
ملعقة خميرة.
نص كوب سكر و تقدر تنقص او تزود على حسب الرغبة.
رشة ملح.
مزيج ملعقتين حليب وربع ملعقة سكر

مقادير حشوة التوفي :

50 جرام زبدة او نص اصبع زبدة
ثلث كوب سكر بني
علبة قشطة

و أكيد ما راح ننتهي الا اذا شرحنا لكم الطريقة وعطيناكم السر .

طريقة عمل الكليجا بالتوفي :

طريقة عمل حشوة التوفي :

نذوب الزبدة ثم نضيف لها السكر البني والقشطة و نتركهم على النار حتى يتغير قوام المزيج و يكون ثقيل.

و هنا يرجع لك الموضوع تحدد القوام المناسب لكن اهم شيء لا يكون سائل لانه راح يسبب لك مشاكل وقت التحشية.

كيف اعرف اني وصلت القوام المناسب ؟ . خذ من الحشوة شوي بالمعلقة وارفعها ثم ميلها على جنب, اذا طاحت الحشوة بسرعة رجعه للنار حتى توصل لمرحلة انك تسوي هذي الطريقة ولا تطيح وقتها تعرف ان حشوة التوفي صارت جاهزة .

طريقة عمل عجينة الكليجا :

نجمع كل المكونات الناشفة وهي ( طحين ابيض, طحين بر, حليب بودرة, خميرة, سكر و رشة ملح ) حسب المقادير الي ذكرتها فوق.
بعدها كذا نضيف عليها الزيت و نوزع الزيت بالعجينة.
بعدها نضيف الماء بشكل تدريجي ونعجن حتى تكون العجينة ملساء ومتماسكة.
بعد كذا نتركها لمدة 15 دقيقة ترتاح.
بعد مرور 15 دقيقة نحاول نصنع كور بالعجينه و نكورها براحة اليد يعني ما تكون كبيرة اكبر من قبضة اليد و لا صغيره تضيع براحة اليد.
بعد مانخلص نترك الكور ترتاح شوي من خمس الى 10 دقايق, مهم انك تغطي العجينة لما تتركها ترتاح عشان ما تنشف.

بعد كذا ننتقل للخطوة الاخيرة وهي اضافة الحشوة للعجينة و ادخالها للفرن.

اضافة الحشوة للعجينة وادخالها للفرن :

هذي آخر مرحلة وهي مرحلة مهمة لان الكثير لما يوصلون للمرحلة هذي يخربون كل شيء ويضيعون تعبهم من البداية.

تاخذ الكورة وتضعها على راحة يدك و تضغطها من النص بأصبع يدك الاخرى الابهام على الخفيف حتى يتكون لديك حفرة واصبعك الابهام بداخلها ثم تحاول بأصابعك ان تصنع مقاومة على الطرف الخارجي و حاول ان تعمل استطاله للعجينه للاعلى مع حركة دوران مستمرة حتى يصبح لديك بالاخير شكل خوذة
احرص على ان تكون الاطرف نحيفه.
نضع الكمية المناسبة من الحشوه في العجينة ثم نحاول نغلقها ولا زم نسكر العجينة بشكل جيد حتى لا تنفتح بالفرن.
بعدها نضغط على العجينة بالقالب لنعطيها شكل قرص ونعطيها نقشتها الميزة و يجب ان لايكون الضغط على جهة اغلاق العجينة و يجب ان يكون بالجهة الاخرى.
باستخدام الفرشه نمسح على القرص قليل من محلول الحيب والسكر (وضحته فوق بالمقادير)
أخيراَ يتم ادخاله للفرن بدرجة حرارة 180 درجة لمدة 15 دقيقة قد تزود او تنقص حسب الفرن عندك, قد تحتاج انك تعاينها ومتى ما كانت متحمرة وجاهزة يعني انتهت .

بكذا تحصل على احلى و اروع كليجا بالتوفي و خلصت شرح الطريقة و ما دام اننا خلصنا بدري ودي اتكلم عن طقوس الناس مع الكليجا و ايش المشروبات الي يقدمونها معها.

المشروبات المناسبة لتقديمها مع الكليجا :

هذا موضوع فعلاََ مطروح على الطاولة و كثير ناس يتجادلون ايش افضل المشروبات الي تقدر تشربها مع الكليجا, قد يكون كلامي يبين لك اني ابالغ لكن فعلا هذا شيء موجود خصوصا الناس الي يحبون الكليجا هذا الموضوع عندهم ممتع ويتسامرون ويضيعون وقت فيه.

والمشروبات الي غالبا تقدم مع الكليجا هي :