افضل بودرة لتغطية فراغات الشعر
مرحبا .. في هذي التدوينة بتكلم عن افضل بودرة لتغطية فراغات الشعر و عن معاناتي مع هذي الفراغات و كيف قدرت احلها و لو ان حل البودرة عباره عن حل مؤقت لكن فرق معي كثير, و البودرة هي منتج TOPPIC , وخلكم معي راح اتكلم عنه بالتفاصيل .
بالبداية ودي اتكلم عن كيف بدت معي هذي هالمشكلة و رحلة البحث عن حلول حتى لقيت هذا المنتج, الي انفتحت الدنيا بوجهي بعد ما لقيته و كل شيء تغير للافضل, تستغرب كيف شيء بسيط مثل فراغات الشعر يأثر على حياتك بشكل كبير, بالمناسبة المنتج مناسب للجميع الرجال والنساء.
بداية ظهور فراغات الشعر :
بعد تخرجي من الجامعه صرت القى وقت لنفسي و استكشف فيها, حتى لاحظت في احد المرات اني لما احك راسي احس بألم كأن الظفر يضرب مباشرة بفروة الرأس, تجاهلته مره مرتين لكن بعد الثالثة رفعت الجوال و اخذت صورة وياليتني ماشفت هذيك الصورة 😔
المهم مريت بفترة اكتئاب جربت فيها اشياء كثيره زيوت وخلطات و اشياء حتى ما اذكرها 😂 ولا نفع معي شيء للاسف.
طبعا بالنسبة كـ شاب اكتئبت لاني ما كنت متوقع هالشيء و الشعر جزء من الجسم, تخيل لو جزء من جسمك قاعد ينهار قدامك !!.. و لا تقدر تسوي شيء لكن بعدها بفترة تجاوزت هالشيء وتقبلت الامر الواقع, لكن فعلا ما اقدر اتخيل شعور الينت و شعرها يعني لها اكثر من كذا.
كيف اكتشفت توبيك (TOPPIK) :
بعد ما تجاوزت الصدمة و تخلصت من اكتئابي و هوسي حول هذا الموضوع قررت اوقف تفكير نهائياََ لفتره وانشغل بحياتي حتى يجي الوقت المناسب الي اقدر ارجع افتح فيه هذا الموضوع و افكر فيه بدون ما اكون مضغوط او مكتئب.
صار كل شيء مثل ما انا مخطط له, رجعت بعدين وفتحت الموضوع مع نفسي مره ثانيه و قررت اني اسوي علمية زراعة شعر 😄 ثم بدأت رحلة البحث عن افضل عملية و أفضل عيادة عشان استعيد شعري, ما تركت صفحة في قوقل ما قرأتها ولا فيديو على اليوتيوب ما شفته, حتى طحت بالصدفة على منتج TOPPIK باليوتيوب.
بالبداية توقعته نصب لأن طريقة اخفاءة للفراغات سحرية و لا تصدق !!.. يخفي الفراغ نهائيا بدون اي أثر كأنه شعر حقيقي, اترككم مع المقطع و قولو لي سحر والا مش سحر ؟
طبعا ما طولت فيه لاني كنت جازم 100 % انه خدعة مثل كثير منتجات بالدعايه غير عن الواقع, فكملت بحث عن الزراعة, و في هذي الاثناء كأن يوتيوب يحاول يقنعني اعيد النظر في هذا المنتج فأقترح علي فيديو لـ شاب قاعد يجرب هذا المنتج.
طبعا هذي المره شخص قاعد يجربه مو دعايه 😒 بعد ما خلصت طلعت لي فيديوهات كثيرة لناس قاعدين يجربون المنتج و تقريباََ شفتهم كلهم و انا منبهر, و كأني بديت اصدق السالفه هذي على بعضها.
الغريب اني ارتحت لها و وقفت تفكير بزراعة الشعر لاني مو مستعد لها ابداََ يعني عملية قد تصل الى اكثر من 7 ساعات و لازم اسافر عشان اسويها هذا غير التكلفة وغير الوقت الي تحتاجه عشان تقرر وين تسويها .. الخ.
بالاخير تشجعت و طلبته و كنت متحمس له حتى وصل و جربته, و من اول تجربه وقعت في حب هذا المنتج 💗 toppik .
ما هو منتج توبيك (TOPPIK) ؟ و ماهي مكوناته ؟ وكيف يعمل ؟
ما هو منتج توبيك (TOPPIK) :
مادة تشبة البودرة توضع على الشعر لإخفاء الفراغات.
ماهي مكوناته :
التوبيك يتكون من الياف مصنوعه من بروتين الكيراتين النقي و هو نفس المادة الموجودة في الشعر الطبيعي.
وكيف يعمل ؟
عند رش توبيك على الشعر الخفيف تندمج الالياف مع الشعر الموجود مسبقا و تعطيه كثافة غير طبيعيه لدرجة ان الفراغات تختفي.
الالياف هذي ما تطيح اذا نزلت رأسك ولا تطير مع الهواء ولا تتأثر بالماء, لان لها شحنة طبيعية ثابته تصنع قوة جذب مع الشعره, لذا الالياف هذي بينها وبين الشعر قوة تجاذب قوية لا يمكن انها تنفك بسهولة.
تزول هذي الالياف بالغسيل بأستخدام الشامبو وتروح بسهولة.
 |
| شكل الشعر قبل التوبيك |
 |
| شكل الشعر بعد اضافة التوبيك |
نظرة على المنتج و مرفقاته عند الشراء :
1- علبة التوبيك على اليسار, والعلبة الي على اليمين فيها المضخة.
2- المضخة >> اشكرهم عليها لانها سهلت العلمية كثير 😍
3- الشكل بعد تركيب المضخة.
4- تجربة لعملية رش التوبيك بالمضخه ( اسميه احياناََ البخاخ )
5- هذي القطعه على شكل شبكة تكون موجودة من الاساس ويستخدمونها احيان بالرش مباشرة على الشعر بدون استخدام مضخة, انا عن نفسي اشيلها على طول و اركب المضخة افضل 💪
صور قبل و بعد استخدام المنتج :
رأيي في منتج توبيك (TOPPIK) :
بعد استخدام لمدة سنتين اقدر اقول ان هذا المنتج اختصر علي كثير و بالنسبة لي اعتبره افضل بودرة لتغطية فراغات الشعر , كان الكاب او القبعة ماتنزل من راسي اغلب الوقت او الطربوش الشتوي هذا عاد معاناة يجي الصيف وانا مازلت البسه.
هذا غير اني كنت اتجنب اروح و اطلع مع اي احد لان كان شكل شعري ملفت للنظر, و هذي المشكلة تخلصت منها مع التوبيك صرت اطلع بكل ثقة.
ايجابيات توبيك
- يندمج بالشعر بشكل رهيب و صعب احد يقدر يلاحظة
- يغطي الفراغات و اماكن الشعر الخفيف
- المنتج خفيف جدا مهما حطيت من كمية ما راح تحس ان شعرك في شيء
سلبيات توبيك
- ياخذ وقت شوي اذا انت تشتغل على نفسك لكن لو عندك احد يساعدك ما راح يكون الوقت مشكلة.
- البودرة خفيفة و تتطاير تحتاج انك تاخذ بالك وانت تستخدمها.
عموماََ على الرغم من كونه حل مؤقت الا انه هو افضل الحلول الموجودة حاليا و انا راض جدا بتجربتي معه.
من وين نشتري توبيك (TOPPIK) :
تقدر تشتري المنتج من موقع امازون السعودي بالضغط هنا وهذا هو بشكلة الانيق :
و قدر تشتري المحلقات او مجموعة توبيك من موقع امازون السعودي بالضغط هنا وهذا شكله :
و وهذي قائمة بمحتويات المجموعة :
1- بخاخ لزيادة تثبيت الالياف و اعطاءة مظهر اكثر واقعية مع ان التوبيك لوحدة يعطيك تأثير واقعي لكن هذا للتأكيد غير قوة التثبيت.
2- اداة تحديد يتم وضعها عند الحدود بين الشعر وجلد الوجه او الرقبة حتى لا تنزل الالياف على الجلد.
3- مضخة لرش البودرة, هذي بالنسبة لي اهم قطعة في الموضوع و راح تفرق معك خصوصا اذا كنت انت تستخدمة بنفسك بدون مساعدة من اي احد.
الخاتمة :
بالاخير الي احب اقوله لو كان شعرك خفيف او فيه فراغات او تمر في مرحلة بداية صلع, فأنا انصح بهذا المنتج استمتع ما دام شعر ما طاح كله لان لو طاح الشعر ما راح ينفع معك اي شيء 😅 ولازم زراعه.
الى هنا انا انتهيت واكيد ما استغني عن ملاحظاتكم و أسألتكم ونشركم لهذا المقال للناس الي تتوقعون انهم ممكن يستفيدون منه .
الى اللقاء 💗