كيف اسولف مع الناس بدون توتر واستمتع بوقتي معهم
هل فكرة التحدث مع الناس قد تجعلك تشعر بتوتر؟ لو كنت تجد صعوبة في التحدث بثقة مع الناس، أو ما تعرف كيف تسولف معهم، انا كنت مثلك ما اعرف كيف اسولف مع الناس وخلني اقولها لك: تقدر تعلم نفسك مهارات الحوار اللي تساعدك تبدأ الحديث مع أي شخص بسهولة.
صدق أو لا تصدق، السوالف البسيطة لها أهمية اجتماعية مثل:
تكسر الجليد بينك وبين الشخص اللي قدامك.
تساعدك في ايجاد نقاط مشتركة واهتمامات متشابهة مع الاخرين.
تساعدك تتغلب على مشكلة الخجل الاجتماعي.
السوالف البسيطة بعد تساعد في خلق إحساس بالراحة بين الناس وتمهد الطريق لحديث أعمق — وهذا ممكن يساعدك في شغلك وحياتك عموما.
تعلم الحديث أمام الناس بثقة يساعدك تبني علاقات مهنية جديدة وتكون أكثر راحة في المواقف الاجتماعية. وعشان تنجح، ما تقدر تعتمد دايمًا على الناس انهم يبادرون بالحديث معك. لازم تطور مهاراتك الاجتماعية وتبدأ بالتحدث مع الناس بنفسك.
1- كيف تبدأ تسولف مع أي احد
تخيل أنك في العمل او في فترة استراحة بعد دورة تدريبية او ورشة، او في مجلس عند صديق او جمعه عائليه.
هذي بعض الطرق الي تفتح فيها سوالف ممتعة مع أي شخص. وبدون ما تدري، راح تلقى نفسك صديق له.
كون إيجابي
حتى لو كنت متوتر أو عندك مشكلة في التحدث بثقة أمام الناس، حاول تبدأ الحديث بنظرة إيجابية.
هذا يعني إنك تفترض الأفضل في الناس وتثق إن تفاعلكم بيكون جيد. هالشي بيخليك تشعر براحة لو كنت قلق وبيخلي الشخص قدامك يحس إنك شخص ودود.
خلي إيجابيتك تظهر في لغة جسمك المريحة، الابتسامة، وتواصل العين.
ابدأ بكلمة مدح
ما في شيء أفضل من إنك تخلي الشخص قدامك يشعر بالراحة. لو ما تعودت تمدح، ممكن تحس بشوية إحراج بالبداية. لكن كلمة حلوة ممكن تزيل التوتر اللي عندهم. مثلًا:
"أعجبني السؤال اللي طرحته في الورشة اليوم."
"الشنطة اللي معك شكلها حلو."
"سمعت عن شغلك — اعجبني."
اسأل عن نصيحة غداء
الكل لازم يأكل، والطعام وسيلة رائعة لفتح الحديث وكسر الجليد. جرب تسأل شخص من الحضور:
"ما جربت أي شيء من البوفيه لحد الآن. في شيء تنصحني أجربه؟"
"أنا من برا المدينة. عندك توصيات لمطاعم غداء؟"
قدم نفسك
طريقة بسيطة تبدأ فيها الحديث هي إنك تعرف عن نفسك. مثلا:
لبس شيء ملفت للنظر
فكرة ثانية لبدء حديث هي إنك تلبس شيء ملفت للنظر. زي شماغ لونه مميز أو جاكيت جذاب. هالشي يثير اهتمام الناس ويدفعهم للحديث معك.
اسأل عن نصيحة
سؤال عن رأي الشخص قد يعكس تواضعك واحترامك له. مثلاً:
"وش تنصح بمكان اطلع له بالاجواء الجميلة اليوم؟"
قل نكتة
النكت تقدر تساعدك تبني علاقة حلوة مع الناس، بس لازم تقرا الجو حولك وتجنب النكت اللي ممكن تكون مثيرة للجدل أو وقحة أو مسيئة. خلي السياسة والأحداث اللي تثير الانقسام بعيد عن الموضوع
2- الحفاظ على استمرارية السوالف
لما تسولف مع شخص غريب، مثلًا، افتتاح السالفة بيكون مجرد بداية فقط. الحيلة الحقيقية هي إنك تسمع بتركيز للطرف الثاني وتتكيف مع اللي يقوله عشان تخليه يشعر بالراحة.
هنا بعض الطرق عشان تتجاوز السوالف البسيطة وتحافظ على استمرارية المحادثة لما تتكلم مع شخص لأول مرة.
اسأل كثير من الأسئلة
خلك منفتح وفضولك عالي. جرب تسأل أسئلة عن عمل الشخص أو عن حياته:
"وش رأيك بالمدينة الي انت ساكن فيها؟"
دور على أبواب جانبية في الحديث
ابحث عن مواضيع جديدة تبدأ منها من حديث الطرف الثاني. زي مثال:
ركز على الاهتمامات المشتركة
لا تحصر محادثتك على الأمور المتعلقة بالعمل او مجالات ضيقة. جرب تكتشف اهتمامات مشتركة زي إذا كنتوا تحبون نفس نوع السيارات أو إذا كنتوا تشجعون نفس الفريق او اذا كنتوا تفضلون نشاط معين مثل الكشتات او حضور مهرجانات.
اتقن فن الاستماع
أهم شيء في المحادثات هو إنك تكون موجود وتركز مع الشخص اللي قدامك. تواصل العين بشكل مناسب واستمع لما يقولون. لازم تلاحظ إشارات الجسم غير اللفظية بعد، علشان تقدر تتفاعل صح.
3- اسمع أكثر من ما تتكلم
لو كنت مو متعود على التحدث مع الناس، ممكن تحس إنك مضغوط وتخاف تتكلم بشكل خاطئ أو تمر في صمت محرج. لكن تقدر تخفف هالضغط لو ركزت على الشخص الآخر أكثر.
في النهاية، أهم شيء هو الاستماع والاهتمام بالطرف الآخر. ومهارات الحوار هي اللي بتساعدك في تجاوز الخجل وتعلمك كيف تسولف مع الناس.